Veci personagi

[sum culex]

Sta volta no xè mio nonno che conta, fazo mi de nonno.
Chi se ricorda de Pio Languore e Meo Carota? Due veci personagi sempre in copia de quando che iero mi picio.
Sul stesso giornalin per fioi iera el Sior Bonaventura e Bibì e Bibò con Capitan Cocoricò e la Tordella.
Veci ricordi!!! Chi de voi ga ancora in mente sti nomi?
ciao
sum (nonno) culex

[babatriestina]

Sta volta no xè mio nonno che conta, fazo mi de nonno.
Chi se ricorda de Pio Languore e Meo Carota? Due veci personagi sempre in copia de quando che iero mi picio.
Sul stesso giornalin per fioi iera el Sior Bonaventura e Bibì e Bibò con Capitan Cocoricò e la Tordella.

meo carota me par che me lo citava mama.. ma el signor Bonaventura de Tofano (STO) iera un classico, anche se più che i pupoli del Corrierino me piaseva le commedie: la Regina in berlina ( la continuazion de Cenerentola) , Una losca congiura ( Barbariccia contro Bonaventura).
e po
Capitan Cocoricò- forsennato grida Ohibò !
Cirillino allor si sgola- Voio antòla, voio antòla !
Sor Pampurio arciscontento- del suo nuovo appartamento
po ghe iera Gelsomino e Girarrosto..

[sono piccolo ma crescero]

Quando iero picio, el Corriere dei piccoli (el corrierino lo ciamavimo a casa) rivava ogni domenica, e me ricordo sia de Bibì e Bibò, Bonaventura, Pampurio. No me par che sia stai citai Gelsomino ladro buono, il soldato Gibernetta e la vigneta de Mosca che iera a'linterno.

I me contava che mia sorela e mi, che no savevimo ancora leger, se fazevimo leger le storie prima de mio papà, poi de mia mama, dopo de mia nona, dopo de mio nono, ... (ierimo in 9 quindi la lista iera lunga). E dopo, per el resto dela setimana se metevimo davanti al giornal e fazevimo finta de leger e intanto ripetevimo a memoria quel che iera scrito, vardando le figure perché la filastroca iutava a ricordar.

No so perché ma el Corriere dei piccoli a casa mia iera considerado una letura inteligente, mentre Topolino no, e infati no i ne lo ga mai ciolto. I sosteneva, e forsi i gaveva ragion, che i fumeti, fati tuti de Gulp, snort e sob e pice frasete impoveriva el linguagio (eh sì, i genitori de quela volta se preocupava anche de questo!). E invece me ricordo mio papà che ne ga leto l'Isola misteriosa de Verne a puntate e che dopo el me spiegava, per esempio, come che con due vetri de orologio e l'acqua in mezo i gaveva fato la lente per far el fogo e come che con una lente se rivava a brusar una foia seca...

Alora, sula base de sta teoria dei mii, quando mio fio iera picio, go comprà subito un numero del Corriere dei piccoli, ... e poi de corsa son pasà a Topolino....!

[Nona Picia]

Mio papà inveze la domenica ne comprava el "Giornalino" quel che i vendi ancora ogi davanti la cesa de San Vincenzo. El "Corrierino", anche noi lo ciamavimo cussì, ne lo prestava la muleta che stava sul nostro pianerotolo e se scambiavimo i giornai. Topolino, Pecos Bill, Rocki Rider, Tex Willer no ne iera permessi, ma mi e mio fradel li legevimo de scondon quando che un muleto che stava in pian de soto ne li prestava. Co go avù fioi mi gavemo sempre comprà Topolino e più avanti anche Tex Willer.

[Nona Picia]

Co son diventada un poco più grande, mio papà me lassava leger Grazia co mia sorela, che ga 10 anni più de mi, la comprava, ma no podevo leger Bolero, anche se co lui no iera a casa lo sbirciavo se mia sorela lo comprava.
Però i giornai americani che portava el mio futuro cognà co el lavorava per lori, quei podevo guardarli, tanto no capivo la lingua, e i me piaseva perchè i iera pieni de foto de attori.

[macondo]

I giornalini che legevo de picio iera el Corriere dei Piccoli, Topolino, Pecos Bill e el Monello. Una vicina che lavorava in quel negozio dei americani in Largo Barriera me dava ogni tanto qualche Superman (Nembo kid) e el Phanthom (L'uomo mascherato) che credo no se trovava in italian.

Me xe rimasto ben impresso una storia su l'Atlantide che gavevo letto quando gaveria 5 o 6 anni su Topolino. Gavevo avudo l'impresion che i contassi una storia che za conosevo
Che sia stado un 'ricordo ancestrale' o un 'archetipo' alla Jung?

[babatriestina]

adesso che te me disi, forsi anche mi là sarà stada la prima volta che go sentido parlar del Atlantide.
El Corrierino lo leggevo co iero assai piccia, po son restada solo a Topolino (e Albi della rosa, Albi d'oro, Almanacco Topolino...). Sì, i diseva che i fumetti xe diseducativo primo per la stessa forma de comunicazion, el fumetto, la nuvoletta che vien fora della bocca, perchè la xe troppo sintetica e con linguaggio semplice e povero, e po per tutti i vari "versacci" che ripetemo ancora adesso: gulp, gasp, bang, slam.. e che quela volta no savevimo che fussi in realtà verbi inglesi, anzi americani!
per rotocalchi, no iera problemi de proibido, perchè quel che arivava in casa iera sempre per tutti: al massimo i gaveva qualche perplessità cole vignette, cossa iera Candido?, che mostrava baboni ben pettoruti, ma mi no ghe trovavo gnente de strano.

[Nona Picia]

I giornalini che legevo de picio iera el Corriere dei Piccoli, Topolino, Pecos Bill e el Monello. Una vicina che lavorava in quel negozio dei americani in Largo Barriera me dava ogni tanto qualche Superman (Nembo kid) e el Phanthom (L'uomo mascherato) che credo no se trovava in italian.

Oltre el Monello iera anche l'Intrepido e Nembo Kid e l'Uomo Mascherato iera in italian e iera anche Batman e un'altro che desso no me ricordo el nome ma che de sicuro conossè anche voi.Iera un bel giovinoto elegante, moro coi baffetti che lavorava me par insieme con la fidanzata e iera in frack.

[bruno]

mandrake

[Nona Picia]

Grazie! Me xe vignù in mente anche a mi un attimo prima de leger la risposta!