Marchi Gomma

[Nona Picia]

No gavendo come al solito trovado el posto anche perchè me diseva che per el momento no posso far ricerche scrivo qua: Anche Marchi Gomma chiudi per sempre l'ultimo e primo suo negozio. Semo messi proprio ben...

[babatriestina]

costi e concorenza dei cinesi.
metemose una man sul cuor e domandemose cossa che gavemo comprado e quanto de ultimo de lori.
Mi posso dir che mesi fa nela sezion za serada no go trovado quel che zercavo ( un carel per la spesa) e che un tempo i gaveva. E prima devo andara a un per de anni fa, che solo lori gaveva un tipo de picarini che me va ben in armer.
E voi? cossa gavè ciolto de lori sti utlimi anni? andavi prima?

ps xe nel topic Negozi che verzi, negozi che sera, nela sezion industrie e comerci. Me par bastanza logico..

[Nona Picia]

costi e concorenza dei cinesi.
metemose una man sul cuor e domandemose cossa che gavemo comprado e quanto de ultimo de lori.
Mi posso dir che mesi fa nela sezion za serada no go trovado quel che zercavo ( un carel per la spesa) e che un tempo i gaveva. E prima devo andara a un per de anni fa, che solo lori gaveva un tipo de picarini che me va ben in armer.
E voi? cossa gavè ciolto de lori sti utlimi anni? andavi prima?

ps xe nel topic Negozi che verzi, negozi che sera, nela sezion industrie e comerci. Me par bastanza logico..

Lo so che xe là ma con la ricerca no me xe vignù fora....te sa che mi a zercar son scarsa...

Mi de marchi fomma go comprà tantissima roba e ghe andavo regolarmente diverse volte all'anno! E go sempre trovà quel che zercavo!

[sum culex]

Mi de marchi fomma go comprà tantissima roba e ghe andavo regolarmente diverse volte all'anno! E go sempre trovà quel che zercavo!

Meno che l'ultima volta che ghe son andà, due giorni fà! L'unica roba de dir xè che iera boni sconti e dopo cole notizie che go leto, go capì perchè.
ciao
sum culex

[Piereto]

Si xe stade tante le robe ciolte da Marchi goma, non ultimo vari tipi de plastiche che me serviva per far lavoreti e riparazioni, ma che in sti ultimi ani no go più trovà de lori e de nisuna altra parte. Eco xe proprio questo che vien a mancar , semo inondai de tanti negozi che vendi la stesa roba magari anche inpachetada e confezionada, e apena te domandi qualcosa de diverso i fa strane face. Disemoselo ciaro : i negozianti tien solo la roba che va, noi buta soldi imobilizadi in materiali de dificile vendita, e questo sopratuto per le tase che aumenta. I ga el magazin curto. Dai cinesi te trovi tanta roba ma solo perchè la xe a baso costo. Una volta per dir, te zercavi un ricambio e te lo trovavi a Trieste, adeso i te lo ordina per internet da quel unico magazin italian. Xe el sistema comerciale che gà cambià e Marchi goma sparisi perchè sparisi da la vendita al minuto i prodotti de qualità. Tuto oramai " omologato".

[babatriestina]

propio come che te disi. Ormai nei negozi se trova tuto istesso, standard. Co te zerchi qualcossa.. no gavemo no tegnimo, gavevimo, no ciol nissun, la provi in Friul, la provi de Toso..
per esempio la sezion danza, ma quasi de sempre, tegniva scarpette dei soliti do-tre modelli usuali, co go zercado modelli più adatti al mio pie.. x e un altro negozietto a Trieste, credo el solo , che le ga. E altre, che no oso ordinar via internet senza gaverle viste in man e provade, me ga dito le amiche: forsi a Udine e Venezia, sicuro a Reggio Emilia!